Háskóli Íslands

Vísindadagur á 70 ára afmæli Keldna 20.apríl 2018

Upptökur fyrirlestra Vísindadags 2018
 
Vísindadagur Tilraunastöðvar Háskóla Íslands í meinafræði að Keldum hefur að undanförnu verið haldinn annað hvert ár. Hann hefur fest sig í sessi sem vettvangur fyrir kynningu á starfseminni og er nú haldinn í áttunda sinn. Ráðstefnan verður allan daginn, skipt upp í nokkra ráðstefnuhluta.
 
Meginefni ráðstefnunnar eru rannsóknir og vísindastörf að Keldum, nú með almennara sniði en áður í tilefni sjötíu ára starfsmafmælis Keldna. 
Ráðstefnan verður að þessu sinni haldin í bókasafni Tilraunastöðvarinnar föstudaginn 20. apríl klukkan 8:30 – 16:00, og er aðgangur öllum heimill og að kostnaðarlausu. 
 
Á Vísindadegi Keldna 2018 verður fræðsluefni um helstu nýjungar um rannsóknir og greiningar á dýrasjúkdómum. Vísindadagurinn verður samráðsvettvangur hagsmunaaðila, einkum dýralækna og starfsmanna í dýrasjúkdómageiranum. Stefnt er að því að koma saman starfsmönnum Keldna og starfandi dýralæknum á Íslandi á þessum vísindadegi.
 
Níu fyrirlesarar munu sjá um fræðsluna, einn gestur erlendis frá, hinir eru sérfræðingar á Keldum.
Erlendi gestafyrirlesarinn er Martin Krarup Nielsen frá University of Kentucky - Maxwell H. Gluck Equine Research Center, sérfræðingur í sníkjudýrum og hann mun halda tvo fyrirlestra.
 
Í vísindanefndinni sem sér um undirbúning og skipulag eru: Sigurbjörg Þorsteinsdóttir, Stefanía Þorgeirsdóttir og Þórunn Sóley Björnsdóttir.
 
Dagskrá og útdrætti má nálgast hér
 
Dagskrá:
 
 
Þú ert að nota: brimir.rhi.hi.is