Háskóli Íslands

Áhættusýni - leiðbeiningar v/ sýnatöku

 1. Fjöldi sýna
Um gerð og fjölda sýna skal hafa samráð við viðkomandi sérgreinadýralækni og/eða dýralækna á Tilraunastöð HÍ á Keldum.

2. Eyðublöð
Eyðublöð/ fylgiblöð sem fylla skal út og fylgja eiga sýnum að Keldum er að finna á heimasíðu Tilraunastöðvarinnar (http://www.keldur.is/)  undir eyðublöð (eyðublað/ almenn rannsóknarbeiðni).

3. Meðferð sýna
Eftir sýnatöku skal ytrabyrði sýnaumbúða (s.s.blóðglös, stroksýnaglös, ílát undir líffæri) úðað með sótthreinsiefni  (s.s. Virkoni) eftir töku og þau kæld strax (frystið ekki).

4. Pökkun sýna
Sýnum skal pakkað í hentugar umbúðir, t.d. frauðplastbakka eða kassa, sem síðan er pakkað inn í plastpoka og umslag og þannig frá þeim gengið að þau verði ekki fyrir hnjaski á leiðinni. Setjið kælikubb með sýnum.
Með sendingunni skal fylgja útfyllt rannsóknarbeiðni, sem pökkuð er sérstaklega inn þannig að hún komist ekki í snertingu við sýnin.

5. Sending stroksýna
Hafa skal samband við Keldur ÁÐUR en sýnin eru send. Símanúmerið er 585 5100 og tengiliðir eru Vilhjálmur Svansson (893 6777) og Eggert Gunnarsson (861 3817).
Merkið sendinguna með eftirfarandi áletrun og fyllið út fylgiseðil með nauðsynlegustu upplýsingum og límið hann utan á kassann:

Tilraunastöð HÍ í meinafræði að Keldum,
v/ Vesturlandsveg, 112 Reykjavík, s. 585 5100
b.t. Vilhjálms Svanssonar (893 6777) eða Eggerts Gunnarssonar (861 3817)
Nafn sendanda

 

Þú ert að nota: brimir.rhi.hi.is